ازاي تبقى رزله في المواصلات ...... مفيد جدا

لو راكبة فى باص أو ميكروباص وجنبك حد نايم اوعى تسيبي نايم
كل شوية اقعدي قول
وصلنا عشان يصحى مخضوض
لو عمل اهبل صحيه وقولي مش انت نازل هنا بيتهيألى

لو مش نايم متسيبهوش فى حاله برضه عيب عليكي متجيش

ركزي على سؤال واقعدي اسألهوله كل شوية زى أنت نازل فين طب انت دفعت ولا لأ

لو قاعد هو جنب الشباك جوه وقالك عدينى قولي رجلى منملة مش قادرة وخليه ينط
زى القرد

أو قولي ماتنزل من الشباك

لو انتي فى أتوبيس وقاعدة على كرسى وجنبك ناس واقفة استمتعي بقى وخدي وقتك

اتمطعي بقى وقولي ياسلام على الراحة الواحد مكنش عارف هيعمل أيه لو مش قاعد

لو العكس بقى اقعدي اسألي كل واحد انت نازل فين واقعدي قولي بصوت عالى

ياجماعة محدش نازل قريب أصل انا عايزة اقعد طول مانت واقفة قولي كده لحد
مايقعدوكي

لما الكمسرى يجى ياخد منك الاجرة اسألي على تمن كذا مكان

يعنى قولي هو لغاية الحتة الفلانية بكام طب لغاية الحتة دى بكام
اسألي على تمن كل الاماكن اللى تعرفيها لحد مايقولك ياست خلصينى رايحة فين
قولي مانا عشان ابقى عارفة بس وتقلي فى العيار يمكن يسيبك ويمشى

لما يدى حد تذكرة قولي ورينى كده لو سمحت واقعدي اتأملي فيها

لحد ما صاحبها يزهق ويشدها منك

فى مفتش بقى ساعات بيطلع يفتش على التذاكر وبيطلع على السريع كده وينزل

أنت بقى اوعى تديهاله علطول كده أزعل منك والله
دوري عليها ساعة حطي ايدك فى جيوبك ميت مرة هيقولك خلصي يا انسة قولي ثوانى
كانت معايا والله
واقلعي الجذمة ودوري فيها وفى الاخر طلعيها من بوقك بعد مايكون هو مات من
الملل وقولي مش قولتلك
كفاية كده بقى حرام المفروض تنزلي قبل الناس ماتموت منك

أستنى رايحة فين أنتي نازلة عادى كده ولا كأنك رذلة ورخمة ولا حاجة

وأنتي نازلة هيبقى فى ناس واقفة أعملي نفسك مش عارفة تعدى
وحاولي تجاهدي على قد ماتقدري وتضيعي الوقت اللى تقدري عليه
لحد الناس ماتشيلك وترميك بعد ماتكون جبتلهم السكر ورفعت ضغطتهم

وتمنياتي برحلة سعيدة وسليمة

ازاي تبقى رزله في المواصلات ...... مفيد جدا Mood1

» نصائح علشان تبقى ست بيت شاطرة