الفرق بين كمبيوتر البنت وكمبيوتر الولد

الفرق بين جهاز البنت وجهاز الولد

اولا جهاز البنت

الفرق بين كمبيوتر البنت وكمبيوتر الولد 230534_1217259773

من النظرة الاولى من بعيد للشكل العام للجهاز

تلاقى الجهاز نضيف ومرتب وحواليه دباديب او عرايس او لعبها وتلاقيها لازقة عليه صور فراشات او صور رقيقة وقلوب وحجات كلها دلع ورقة وتلاقى كرسيها نضيف وسليم وشكلة حلو ومحطوط بشكل صحيح ادام المكتب
تفتح الجهاز تلاقى صوت نغمة رقيقة مع فتح الجهاز وحاطة خلفية صورة رقية شخصية ليها او صورة بنت جميلة او وردة
تقلب فى الملفات تلاقى اسماء الملفات عندها جميلة زى
صور اطفال
صور فساتين
صور موضة
افلام رومانسية
اغانى عاطفية
تفتح الهيستورى بتاع الجهاز تلاقيها كانت مشغلة حجات زى
فيلم تيتانيك
مواقع نكت
مواقع موضة
قهوة كتكوت
اغنية تملى معاك
اغنية بهواك
مواقف كوميدية
تفتح الميل بتاعها تلاقيها حاطة نك نيم رقيق زى
بنوتة شقية
دلع
حبوبة
حب عمرى
لو دققت شويه فى تاريخ تسطيب الويندوز ممكن تلاقى الويندوز شغالة معاها من حوالى 7 او 8 شهور متغيرتش
تيجى تشم ريحه الجهاز تلاقى رحتة برفان جميل
ولما تيجى البنت تقفل جهازها تلاقيها قفلت الحجات الى مشغلاها حاجة حاجة وبعدين تدوس شت دوان وتسمع نغمة رقيقة والجهاز بيقفل

**********************************

نخش على اجهزة التماسيح ( الولاد )

الفرق بين كمبيوتر البنت وكمبيوتر الولد Home-computer-pictures-2

من النظرة الاولى للجهاز ووضعه من بعيد تحس انك داخل على حاجة شبة التوكتوك الى عامل حادثة ومطلعينه من ترعة
تلاقى الكيس مفتح من كل ناحية وفيها خروم غريبة ولو بصيت جواها تلاقى فيها حجات ومواد غريبة غالبا ممكن تكون مشتعلة وملهاش اى علاقة بالجهاز
وتلاقى الهارد متعلق زى الدبيحه من السلك بتاعه ومتعرفش لية
وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم مية
وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحدو
الشاشة ممكن متلاقيش قعدتها اصلا
وممكن متلاقيش غطاء الشاشة الخلفى برضو كنوع من انواع التهوية
ولسعات سجاير وطفاية فى كل حته من الجهاز
وتلاقى الكى بورد سلكها ملحم فى بعضه وزرار الانتر وبعض الازرار المهمة غالبا مش هتلاقيها
وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول بس
تيجى تفتح الجهاز وتدوس على زورار الباور ده لو لقيتة وملقتش سلكتين تلمسهم فى بعض عشان الجهاز يشتغل زى عربيات مكروباص الترامكو
يجى الجهاز يشتغل تسمع صوت كركرة غريب واصوات تانية شبيهه بالطرقعة المكتومة
تعدى كل ده وتبتدى الويندوز تفتح تسمع صوت نغمة الويندوز نغمة غريبة الجماعة بتوع ميكرو سوفت لو سمعوها هيبطلو ينزلو نسخ للشرق الاوسط تانى
تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه هو واصحابة تفكرك بالمخلوقات الفضائية الى جاية من عالم غريب
تدخل تقلب فى الملفات تلاقى اسماء الملفات غريبة وعجيبة
حشحش
دحدح
بتنجانة
صور معيز
صور حوادث
مصارعة
و 70% من الملفات هتلاقيها تحت سلسلة اسماء

New Folde13
New Folde14
New Folde15
الى ما لا نهاية
تفتح الهيستورى بتاعه تلاقى اخر حجات شغلها زى
ساو 3
ديد سيلنت
اغنية البلح البلح
صور مصارعين
كليب بوس الواوا
اسماء مواقع تخاف اصلا تخشها
نكت حشاشين
تفتح الميل بتاعه تلاقيه حاطط نك نيم يرعب البنات
الشيطان 10
البجح
سفاح المعيز
المحشش
كمبورة
عاشق الموت
لو دققت فى تاريخ تسطيب الويندوز ممكن تلاقيه مسطبها قبل متيجى بساعتين
طبعا ريحه الجهاز هتلاقيها شبة متور العربية المحروق
ولما يجى يطفى الجهاز لو فاتح ايه ميقفلهمش واحده واحده لا شد الكابل على طول من غير تفاهم اكنه بيعذب كافر
لانه طبعا ميعرفش حاجة اسمها امر شود داون
كمان لو فى فلاشه يا لهوى
فلاشه البنت نضيفه ورحتها حلو وبالغطا بتعها وفى علبتها
اما فلاشه الشباب
طالع عينها مكسوره ومن غير غطا اصلان وتحس ان قطار معدى عليه ومفرومه
لا وكمان الاغانى تحسى اول ما تشغلها ان انت فى ميكروباص او مولد

زائر

هههههههههههههه
بجد روعة تسلم ايدك
معاك حق فى كل اللى قولته

اه الشباب دايما كده
ميرسى على مرورك يا قمر

ههههههههههه شفت عشان تعرف بس ان البنات مافيش زيها احنا الاصل والباقي تقليد

أع
أع
أع
أع
مش اوى كده يعنى

ههههههههههههههههههه وربنا جاااااااااااامده جدا

بس للامانه يعنى فيه بنات كتير مش منظمة اوى كده يعنى وكمان فى ولاد منظمين جدا فى كل حاجه

يعنى مش قاعده بس تسلم ايدك

ههههههههههههههههه عندك حق ياسالى هما التقليد وانحنا الاصل

حلوة اوى تسلم ايدك